LIRIK LAGU JAWA

Langgam “Jenang Gulo”

Jenang gulo kowe ojo lali

Marang aku iki, cah ayu

Nalikane nandang susah

 sopo sing ngancani

Dek semono aku tetep setyo sarto tetep tresno

Dereng nate gawe gelo lan gawe kuciwa

Ning sak iki bareng mukti

kowe kok njur malah lali, marang aku

Sithik sithik mesti nesu

Terus ngajak padu ....

jo ngono ojo ngono....

Opo kowe pancen ra kelingan

 jamane dek mbiyen cah ayu

Kowe janji bungah susah pada di lakoni

Langgam “LUNTUR”

Yen lunturo wenterane

Ora kaya yen luntur tresnane

Tekan tekane atine

Kaya kaya mung sak sire dewe

Ora sembada biyene

Saben dina mung tansah methuke

Saben kepethuk tembunge

Angrerepo dadiyo duweke

Ora maido

Kala mangsa mung sok gawe gelo

Ewo semono nganti bisa anglunturke tresno

Ditambakno mrono mrene

Tiwas tiwas ndedowo lelarane

Nanging tombo sejatine

Ora liyo mung awake dewe

Lgm LARA BRANTA

Yen kelingan mring sliramu, aduh..

Kaya rinujit atiku

Yen siang tansah katon malelo

Dalu datan bisa nendro

Apa sliramu wis lali tenan

Dhek semono nate janji

Sedyo arep urip bebarengan

Bungah susah dilakoni

Nanging aku ora ngiro

Yen sliramu bakal cidro

Bareng saiki wis mulyo

Banjur kromo

Ora nganggo kandha-khanda.....

Opo pancen wis pesthine aduh...

Aku mung kudu narimo

Sapa kang bisa paring usada

Wong kang nandang lara branta

Bowo : yen ing tawang ana lintang

                                                                                                 

Yen ing tawang ana lintang

Wong bagus/wong ayu aku ngenteni

Marang mega ing angkasa

Sun takon wartane reki

Janji-jani ku eling

Sumedot rasaning tyas ingsun

Nimas ingsun prasapa

Sineksenan bumi langit

Tangising tyas ngenteni padang rembulan

yen ing tawang ana lintang

Yen ing tawang ana lintang, wong bagus/wong ayu

Aku ngenteni tekamu

Marang mega ing angkasa, kangmas/nimas

Sun takokne pawartamu

Janji-jani aku eling, wong bagus

Sumedot rasane ati

Lintang-lintang ngiwi-ngiwi, kangmas/nimas

Tresnaku sundul wiyati

Dek semana janjimu disekseni

Mega kartika  ka iring rasa tresna asih

Yen ing tawang ana lintang wong bagus/wong ayu

Rungokno tangising ati

Binarung swarane ratri kangmas/nimas

Ngenteni wulan ndadari

Langgam “Dadi Ati”

Nggoleki sing koyo ngopo

Wong nyatane kelakon sprene

Angger-angger gandro

Wekasane malah mbangun tresno

Dudu bandha dudu rupa

Mung atine dadi tetaline

Guyup rukun kadya

Pepindane mimi lan mintuno

Wis jamak lumrahe

Yen wong urip, coba lan godane, gedhee

Supradene ora nganti

Ndadak dadi gawe,eeaeoo

Rino lan wengi dadi ati eea

Wong kang sabar luhur bebudine

Dasar gemati

momong putra alus bebudine

Langgam “Retno Pengasih”

Slagane retno pengasih

Yen ngendiko sarwa lirih

Senadyan amung prasaja

Nganti bisa nuju prana

Senadyan amerak ati

Katok luruh tan mboseni

Keh prio podo kepranan

Enggar-enggar ing katresnan

Eman-eman dok ing moyo

Pancen di  tinaalat   kumlawung

Retno nggunung retno nggunung

jroning gandrung trus ambarung

pos....

Kedlewekan ing panderek

Yo ben bisa pilih asih

Mestine retno pengasih

Tansah mring kang maha luwih

Kedlewekan ing panderek

Yo ben  bisa ngelingake

Mestine retno pengasih

Tansah maha luwih

Lgm. IMBANGONO KATRESNANKU

Saben dina mung ngalamun

Jroning sepi sepah samun

Amung tansah ngadulu

Wewayanganmu

duh kangmas wong bagus

Lali lali tan bisa lali

Saya sanget ngrujit ati

Lelewamu wong bagus

 tansah kumantil

Ing badane netra

Apa tego

siro kangmas cidro ing janji

Misahake katresnan jati

Lamun mangkono piye katresnanmu..... piye katresnanmu

Moko kang mas katresnanku

Bebasane tan biso tinuku

Cunduk lan prasetyaku

Atur marang jiwo lan rogoku

Langgam ”ESEMMU”

Suwe ora ketemu cah ayu

Gawe kangen ing atiku

Tak suwun rinten lan dalu

Pamujiku manggiho rahayu

Lha piye genah genahe yo gene

Tak anti anti khabare

Ora esuk ora sore

Mung kelingan sak solah bawane

Nadyan mung krungu suarane

Opo maneh yen nyawang eseme

Bebasan segoro madu kalah manis

Sing manis pancen esemu

Ibo bungah ing ati cah manis

Antuk nugrahaning Gusti

Nora mung jroning impenku

Biso nyanding sliramu cah ayu

Langgam "Maesa Jenar"

Kaloningrat pilih tanding, Maeso jenar

Satrio ing pengging

Satrio degdyo lelono ngupoyo

Sabuk inten nogososro

Tan samaring beboyo, Maeso jenar

Bekti ing negoro

Mandap jurang nasak wono woso

Kayungyun guayane bongso

Poro kang ambek angkoro

Memalangi  sedyo utomo

Nanging pinesthi, lebur musno

Ketiban aji sosrobirowo

Nora pamrih kalenggahan, Maeso jenar

Wani datan giris

Ngeronce edining asmoro

Kelawan wong ayu dyah roro wilis

Gelang Kalung

Gelang kalung sing tak tompo

Ngelingake jamane semono

Naliko biyen-biyene

Tresno aku nganti sak lawase

Opo kowe ra kelingan

Janji pingin, urip bebarengan

Mbendino yo mung tak roso

Opo pancen sliramu ra kroso

Opo sliramu ra getun

Moh rekoso urip ono nggunung

Bungah susah di lakoni

Yen rejeki ono sing maringi

Gelang kalung dadi seksi

Mugo sliramu ra bakal nyidrani

Wiwit dunyo nganti akhir

Duh wong bagus sing tak pikir-pikir

Kembang Rawe

Caritane wong seneng tunggal sak bale

Wiwitane lungguh jejer sabendinane

Soyo suwe saben jejer nyekel tangane

Banjur ngomong mas aku tresno kowe

Caritane wong seneng tunggal sak bale

Wiwitane lungguh jejer sabendinane

Soyo suwe saben jejer nyekel tangane

Banjur ngomong mas aku tresno kowe

Kembang kenongo atiku digawe loro

Kembang melati agawe lorone ati

Kembang kecubung agawe atiku bingung

Kembange mawar tresnaku wis katon buyar

Mulo wong tresno ora keno nggo sembrono

Ora becik kanggone poro wanito

Kembange rawe iku paribasane

Tinimbang rame Luwih becik tak tinggalne

Tondo Moto

Senajanto ora mitro

Tondo moto sing tak tompo

Sanajan among sepele

Ngelingake kabeh lelabete

Koyo rembulan lumaku

Kang madangi wanci dalu

Koyo tumetese banyu

Ngelingake kangene atiku

Kae tondo moto

Mertandani ati tresno

Nadyan nate nggawe gelo

ning nyatane  mung katon ning moto

Tak simpen ono kamarku

Dadi sulihe sliramu

Tak simpen ono atiku

liyo wektu bakale ketemu

Pepiling

Wis wancine tansah dielingke

Wis wancine podo nindakake

Adzan wis kumandang

Wayahe sembahyang

Netepi wajib dawuhe pangeran

Sholat dadi cagake agomo

Limang wektu kudu tansah di jogo

Kanti istikomah

Lan sing tumakninah

Luwih sampurno yen berjamaah

Subuh dhuhur lan asar

Sholat sayekti ngedohake tindak mungkar

Magrib lan isak jangkepe

Prayogane ditambah sholat sunahe

Jo sembrono iku printah agomo

Elingono neng dunyo mungsedelo

Tabah lan tawakal

Pasrah sing kuwoso

Yen kepingin besuk munggah suwargo

Ireng Manis

Yen kelingan lelakon ku cah manis

Naliko ing pamulangan

Aku duwe konco putri, grapyak

Ayu lahir lan bathine

Bareng dolan ning omahku, perlune

Mung sinau bebarengan

Suwe-suwe aku tresno margo

Kelingan ireng manise

Nanging cuwo, ora biso urip bebarengan

Senajan aku wis sumpah, tetep tresno lahir bathin, eee,eee.

Mung jalaran pepisahan, dipekso omah omah wong tuwane

Tresnaku ra biso ilang, margo kelingan ireng manise

Srihuning

Srihuning mustiko Tuban

Labuh tresno lan saboyo pati

Marang Raden Wiratmoyo

Kang wis prasetyo anyambut krami

Srihuning datan nggrahito

Kang rinipto kadange pribadi

Wiratmoyo putraniro

Rongglawe Adipati Tuban

Srihuning putrane abdi

wongso pati nalikane uni

kapupuh ing madya logo

perang tanding lawan Minak Jinggo

katresnane Wiratmoyo

tinampi dening Roro Srihuning

senadjan bebasaniro

prapteng lampus alabuh negoro

Tresno sudro

Abote wong nandang tresno

Tak belani nganti tekan pati

Tresnaku mung kanggo siro

Kusumo kang tansah merak ati

Saben dino rabiso lali

Mung kelingan esemu

Sampek kapan aku ra ngerti

Biso nyanding sliramu

Abote dadi wong sudro

Tresno tulus ora dipercoyo

Wong tuwomu ngumbar sujono

Tansah ngiro aku wong durjono

Dalan-dalan sing tak liwati

Ngalor ngidul mung dengkul

Paribasan turu klesetan

Uripku tansah kebak pacoban

Cah ayu-cah ayu tak enteni

Lilane wong tuwamu marengke kowe

Sing sabar-sing sabar yo tresnaku

Ing tembe mburi bakal dadi duweku

duh gusti sing tak puji

paringono dalan kanggo tresnaku

Joko Mlarat

Wiwit biyen mulo

 Aku rak wis kondo

Aku wong ndeso ora bondo dunyo

Joko mlarat wong tuwamu pangkat

Aku wong ndeso uripku rekoso

Iki wis wancine kowe di daupke

Karo prio bagus sing podo sugihe

Ora nyono lan ora nglegewo

Yen sliramu tego polokromo

Srengenge ngulon parane

Yen bengi rembulan jenenge

Esuk tempe jarene, sore dele

Tresno tenan mbok anggep sepele

Srengenge ngulon parane

Yen bengi rembulan jenenge

Esuk tempe jarene, sore dele

Tresnamu mung abang-abang lambe

Nawala

Wis tak tompo nawalane

Surasane uga wus mangerti

Warna-warna pamuwuse

Temahane bisa ndudut ati

Ngantio tekan seprene

Soyo gawe ewuhing pambudi

Nggonku kirim wangsulane

Sing mestine dewe’e ngenteni

Nora gampang

Senanjanto mung nuliso layang

Mrih bahagyan,

Yen diwoco wong kang lagi nandang

Ora sepiro ujude

Dirasakno abote kepati

Nawala mung dluwang wae

Di buwango, anggondeli ati

Ojo di pleroki

Mas mas mas ojo dipleroki
Mas mas mas ojo dipoyoki
karepku njaluk di esemi
tingkah lakumu kudu ngerti coro
ojo ditinggal kapribaden ketimuran
mengko gek keri ing jaman
mbok yo sing eling
eling bab opo?
iku budoyo
pancene bener kandamu

Kesumaning Ati

Kusumaning ati
Duh wong bagus kang tak anti-anti
Mung tekamu biso gawe
Tentrem ning atiku

Biyen nate janji
Tak ugemi ora bakal lali
njur kelingan jroning ati
Sak bedahing bumi

Kadung koyo ngene
Sak iki piye karepe
Malah mirangake

Manis pambukane
Kok pahit tibo mburine
Pancen mangkelake

Amung pamujiku
Mugo-mugo rak ono rubedho

Sak pungkure
Nggonmu lungo
Ora kondo-kondo

Lingsir Wengi

Lingsir wengi
Sepi durung biso nendro
Kagodho mring wewayang
Kang ngreridhu ati

Kawitane
Mung sembrono njur kulino
Ra ngiro yen bakal nuwuhke tresno

Nanging duh tibane aku dewe kang nemahi
Nandang bronto
Kadung loro
Sambat-sambat sopo

Rino wengi
Sing tak puji ojo lali
Janjine mugo biso tak ugemi

Keno Gudho

Nalikane dek jaman semono
Tresnamu setyo lan tuhu
Anane mung tansah ngalembono
Jujur ora nate cidro

Mulo aku tansah animbangi
Tresnaku ginowo mati
Ora ono lingtang kang sumunar
Amung ndiko pepujanku

Sliramu pamit tugas ngayahi
Mrih rahayu ne sessami
Nggonku muji kariyo basuki
Suk kapan anggonmu bali

Peteng ndedet rasaning atiku
Bareng keprungu khabarmu
Nyatane sing kondur mung layangmu
Ora liyo keno godho

Mulo aku tansah animbangi
Tresnaku ginowo mati
Ora ono lingtang kang sumunar
Amung ndiko pepujanku

Sliramu pamit tugas ngayahi
Mrih rahayu ne sessami
Nggonku muji kariyo basuki
Suk kapan anggonmu bali

Peteng ndedet rasaning atiku
Bareng keprungu khabarmu
Nyatane sing kondur mung layangmu
Ora liyo keno godho

Ojo Lamis

Ojo sok gampang
janji wong manis
yen to amung lamis

Becik aluwung prasojo nimas
Ora agawe cuwo

Tansah ngugemi
Tresnamu wingi
Jebul amung lamis

Koyo ngenteni
Thukuling jamur
Ing mongso ketigo

Aku iki prasasat
Loro tan antuk jampi
Mbok ojo mung lamis
Kang uwis dadine banjur didis
Akeh tulodo wong demen cidro
Uripe rekoso

Milih sawiji ngendi kang suci
Tanggung bisa mukti

Gethuk

Sore sore Padang bulan
Ayo konco podho dolanan
Rene-rene bebarengan
Rame rame e … do gegojegan

Kae-kae rembulane
Yen di sawang kok ngawe-awe
Koyo-koyo ngelengake
Kanco kabeh ojo turu sore-sore

…Gethuk
Asale soko telo mas
…Moto ngantuk
Iku tambane opo

…Ala ala gethuk
Asale soko telo mas
…Yen rak pethuk
Atine rodo gelo

Ojo ngono mas
Ojo-ojo ngono
Kadung janji mas
Aku mengko gelo

Prau Layar

Yo konco ning nggisik gembiro
Alerap lerap banyune segoro

Angliyak numpak prau layar
Ing dino minggu keh pariwisoto

Galo praune wis nengah
Byak byuk byak banyu binelah
Ora jemu jemu karo mesem ngguyu
Ngilangake roso lungkrah lesu

Adik njawil mas
Jebul wis sore
Witing kalopo katon ngawe awe
Prayogane becik balik wae
Dene sesuk esuk
Tumandang nyambut gawe

NYIDAM SARI

Umpomo sliramu sekar melati
aku kumbang Nyidam Sari
Umpomo sliramu margi
wong bagus, aku kang bakal nglewati

Sineksen lintange luku
semono janji prasetia ning ati
tansah kumantil ing netra rinoso
karasa arasaning ndriyo

Midero sak jagad raya kalingono wukir
lan samudro nora ilang memanise
dadi ati selawase

Nalika nira ing ndalu atiku
lamlaman  sliramu wong ayu
nganti mati ora bakal lali
lha kae lintange mlaku

Becak Solo

Becak Solo mlakune alon prasaja
Sing nyopir sopan santun tata karma
Genjotane mantep ora ngresula
Tumpak’ane ora nyuwara menakke rasa

Becak Solo rina wengi datan kemba
Wira wiri golek penumpang ngupaya upa
Ora ninggalke peraturan sing wis ana
Becak Solo nyata rag awe kuciwa

E pak becak kula mang terke ten mbuderan
Bunderane ten sisih pundi wong ayu
Nika ketok melok-melok bunderane
Nika wonten bunderan Banjarsari

Pak becak kula numpak bola-bali
Ndika purun kula bayar kalih niki
Ndika purun kula bayar kalih niki

Purun mawon angger kula mboten rugi
Nyopir becak rina wengi pados rejeki
Nyopir becak rina wengi pados rejeki

Anting-anting

Ting anting mbang cempaka
Tanda mata saka seliramu
Ting anting tandha tresna
Lahir batin sineksen lintange luku

Ling eling dhek semana
Rembulane ketutupan mega
Gawe kekesing ati
Nganti-anti tekane si jantung hati

Anting-anting dhik kembang cempaka
Wohing aren mbok yo eling dhek semana
Emprit ganthil mencok neng witing pari
Tansah kumanthil ana njeroning ati

Ali-ali dhik kembang kuningan
Dilali-lali malah tambah kelingan
Manuk gemak mencok neng witing sawo
Bareng penak yo mas yo jo ngona ojo ngono

Ting-anting mbang cempaka
Tanda mata uga tanda tresna
Ling-eling dhek semana
Yen ra nyandhing rasane neng ati gela

Bengawan Sore

Neng pinggiring bengawan
Tansah setya ngenteni sliramu
Eling-eling jamane semana
Wus ndungkap pitung ketiga

Neng pinggiring bengawan
Saben-saben mung tansah kelingan
Wus prasetya ing janji
Ing lahir terusing ati

Sanadyan kaya ngapa….
Manungsa….mung bisa ngreka lan njangka
Gusti kang paring idi lan pesthi
Kita sak derma nglampahi

Neng pinggiring bengawan
Wayah sore tansaya kelingan
Gawang-gawang esemmu cah ayu
Gawe sedhihing atiku

Ketaman Asmara

Saben wayah lingsir wengi
Mripat iki ora bisa turu
Tansah kelingan sliramu
Wong ayu kang dadi pepujanku

Gela rasaning atiku
Arep sambat nanging karo sapa
Nyatane ora kuwawa
Ngrasakke atiku sing saya nelangsa

Wis tak lali-lali
Malah sangsaya kelingan
Nganti tekan mbesuk kapan
Anggonku mendhem ora bisa turu

Apa iki sing jenenge
Wong kang lagi ketaman asmara
Rasane tresna ra bisa lali
Esuk awan bengi tansah mbeda ati

Mawar Biru

Tumetesing waspaku
Ora tega rasaning atiku
Ninggalake…sliramu
Priya idhamanku

Tansah katon esemmu
Ngawe-awe rasaning atiku
Ngelingake…
Nalika bareng mlaku-mlaku

Ora nyana ora tega, yen ngene dadine
Aku kudu melu,
Ndherek’ake rama lan ibuku
Mulih nyang ndesaku

Wekasan mung welingku
Aku nitip kembang mawar biru
Openana minangka tandha katresnanku

Ngalamuning Ati

Yen tak rasa,
Ra kuwasa rasa jroning ati
Tansah kelingan kembanging netra
Nggodha aku rina wengi

Pancen nyata
Yen si rupa ora mitayani
Nanging aku wis kebacut tresna
Angel nggonku angoncati

Pamujiku
mbok bisa-a katekan setyamu
Katresnanku…..Ditimbangi……
Tresna kang satuhu

Kaya ngapa,
Iba bungah rasa jroning ati
Katekan setyaku tanpa aral
Begja nggonku urip iki

Ngimpi  

Sripat sripit
lembehane mrak kesimping
Gandhes luwes wiragane anglamlami..
Sedhet singset
besus angadi busana
Dhasar ayu maksih kenya tan kuciwa

Dak caketi
adhuh mesem sepet madu
Nora sronto tak gandheng malah gumuyu
Katon bungah
kenya kang pindha hapsari..
Kuciwane kabeh mau.. amung ngimpi….

Minggat

Sri kapan kowe bali
Kowe lunga ora pamit aku
Jarene neng pasar pamit tuku trasi
Nganti saiki kowe durung bali

Sri apa kowe lali
Janjine sehidup semati
Aku ora nyono kowe arep ngono
Lara atiku atiku lara

Ndang baliya Sri, ndang baliya
Aku lara mikir kowe ana ing ngendi
Ndang baliya Sri, ndang baliya…
Tega temen kowe minggat ninggalke aku

Yen pancene Sri
Kowe eling aku
Ndang baliya
Aku kangen setengah mati

Bagus Adhine

Aku bingung pilih endi

Bocah lora sarwa edi peni

Siji kakang siji adhi

Kabeh bagus gus…bagus gus….bagus….

Gawe bingung atiku

Cah loro padha gagahe

Yen sinawang kabeh nyenengake

Mesthine ana bedane

Yen kon milih lih….milih lih….. milih….

Aku milih adhine

Tuku jagung neng sar Legi

Aku bingung pilih endi

Kebacut luguning ati

Tuku kerdhus neng sar Gedhe

Sing bagus bagus adhine

Sing ngganteng ngganteng kangmase

Tuku jagung neng sar Legi

Aku bingung pilih endi

Kebacut luguning ati

Tuku kerdhus neng sar Gedhe

Sing bagus bagus adhine

Sing ngganteng ngganteng kangmase

Layang Kangen

Layangmu tak tampa wingi iki

Wis tak waca apa karepe atimu

Trenyuh ati iki maca tulisanmu

Ra krasa netes eluh neng pipiku

Umpama tanganku dadi swiwi

Iku uga aku mesthi enggal bali

Ning kepiye maneh marga kahananku

Cah ayu entenono tekaku

Ra maido sapa wong sing ora kangen

Adoh bojo pengin turu angel merem

Ra maido sapa wong sing ora trenyuh

Ra kepethuk sawetara pengin weruh

Percaya..a  aku kuatno atimu

Cah ayu ngentenana tekaku

Sewu Kutha

Sewu kutha uwis tak liwati
Sewu ati tak takoni
Nanging kabeh padha ra ngerteni
Lungamu neng ngendi

Pirang tahun
anggonku nggoleki
Seprene
durung bisa nemoni

Wis tak coba nglalekake
Jenengmu saka atiku
Satenane aku ora ngapusi
Isih tresna sliramu

Umpamane kowe uwis mulya
Lila aku lila
Yo mung siji dadi panyuwunku
Aku pengin ketemu

Senadyan wektu mung sedhela
Tak nggo tamba kangen jroning dhadha

Senadyan sakedheping mata
Tak nggo tamba kangen jroning dhadha

Setasiun Balapan

Neng stasiun Balapan
Kutha solo sing dadi kenangan
Kowe karo aku
Nalika ngeterke lungamu

Neng stasiun Balapan
Rasane kaya wong kelangan
Kowe ninggal aku
Ra krasa netes eluh neng pipiku

Dhaa… Dhadha sayang
Dha… Slamat jalan

Janji lunga mung sedhela
Jare sewulan ra ana
Pamitmu nalika smana
Neng stasiun Balapan Solo

Jare lunga mung sedela
Malah tanpa kirim warta
Lali apa pancen nglali
Yen eling mbok enggal bali

Blitar

Blitar kutha cilik sing kawentar
Edi peni gunung Kelud sing ngayomi
Blitar jaman Jepang nate gempar
Peta brontak sing dipimpin Supriyadi

Blitar nyimpen awune sang Nata
Majapahit eneng candhi Penataran
Blitar nyimpen layone Bung Karno
Proklamator lan presiden kang kapisan

Ana crita jare patih Gajahmada
Ingkang bisa nyawijekke nuswantara
Lan uga Bung Karno kang kondhang kaloka
Eneng tlatah Blitar biyen cilik mula

Ora mokal Blitar dadi kembang lambe
Ora mokal akeh sing padha nyatakke
Yen ta geni ngurubake semangate
Yen ta banyu nukulake patriote

Setya Tuhu

Aku kang setya satuhu,

Wit biyen nganti saiki

Bebasane…. peteng kapapak obor sumunar

Andika pangayomanku,

Lahir batin ku wis nyata

Mung sajake… andika semune kurang rena

Tandha yekti, paseksene rikalane

Ngangkat awrat….. Mlampah tebih datan lesu …..

Mugyantuk berkahing widi

Andika mung tansah lipat

Payuwunku setya kula tansah anglam-lami

Bengawan Sore

Ning pinggiring bengawan

Tansah setyo ngenteni sliramu

Eling-eling jamane semono

Wis ndungkap pitung ketigo

Ning pinggiring bengawan

Saben-saben mung tansah kelingan

Wus prasetyo ing janji kang suci

Ing lahir terusing ati

Senajan koyo ngopo manungso

Mung biso ngreko lan njangka

Gusti kang paring idi lan pesti

Kito sak dermo nglampahi

Ning pinggiring bengawan

Wayah sore

Tan saya kelingan

Gawang-gawang esemu, cah ayu

Gawe sedihing atiku

Putri Solo

Putri solo, ayune keporo nyoto

Pancen pinter alelewo

Dasar putrid solo

Nganggo selendang pelangi

Sumampir ono pundaki

Cunduke kembang melati

Dadi lan pantese

Melakune koyo macan luwe

Sandal jepit penganggone

Kiyet-kiyet swarane

Kelap kelip yo suwenge

Dasar, putrid solo…..

Putri solo

Yen, ngguyu dekik pipine

Ireng manis kulitane

Dasar putri solo

Kencono Katon Wingko

Ora koyo dek semono

Katresnanmu pancen nyoto

Anane mung tansah ngalembono

Ora nate gawe gelo

Mulo aku yo nimbangi

Tuhu tresno sarto bekti

Tresnaku ora mung ono lati

Nanging saterusing ati

Opo boyo darurane saiki mung lamis wae

Katon yen wis oran nggape

Sak solahe mung tansah ngece…

Aduh gek kepriye…

Tak rewangi loro lopo

Naqnging yekti tanpo guno

Pancen sliramu wis ora tresno

Kencono mung katon wingko

Ali-ali

Ngagemo ali-aliku pamprihe

Ojo lali marang aku

Nadyan kulo mboten melu, mbesuke

Ngelingono lelabetku

Lamun embane saloko, emane

Mung tansah ndamel cuwo

Niki embane kencono pamrihe

Tansah manggiho raharjo

Yen nganti ilang mripate

Jarene nemahi rubedo

Yen nganti di nggo wong seje, mbesuke

Wis mongso bodo,a

Pilihanku mripat biru, pamprihe

Mrih sulistyo ingkang warni

Yen takon isi atiku mbesuke

Mirsanono ali-ali

Rondo Kempling

Ndak pundi Mbak Ayu
bade tindak pundi?
kadingaren tindak wae
ora numpak taksi

Dewean opo ora wedi?
Timbang nganggur
kulo gelem ngancani

Kleresan mas alias kebetulan
blanjane kathah rada kabotan
Ha yen purun enggal-enggal ngrencangi
tekan omah mangke kulo opahi

Ee… Tobil wong Legan golek momongan
Niki blonjo nopo mbakyu bade pindahan?

Ampun gelo mas
sampean ampun kuciwo
kulo rondo anyaran ditinggal lungo

Awan-awan lungo blonjo
ning pasar pahing wing-wing…
Prawan rondo kanggoku ora patek penting wing-wing…

Ning Semarang Mas..
Tuku gelang karo anting-anting
Jo sumelang yo ben rondo
dijamin kempling..

Kempling lho mas….

Ojo Lamis

Ojo sok gampang
janji wong manis
yen to amung lamis
Becik aluwung prasojo nimas
ora agawe cuwo

Tansah ngugemi
tresnamu wingi
jebul amung lamis
koyo ngenteni thukuling jamur
ing mongso ketigo

Aku iki prasasat
loro tan antuk jampi
mbok ojo amung lamis
kang uwis dadine banjur didis

Akeh tulodo kang demen cidro
Uripe rekoso
milih sawiji ngendi kang suci
tanggung biso mukti

LUNGITING ASMORO

Sprene nggonku ngenteni.. janji

Iku prasetyane ati

Aku trisno mring sliramu

bocah ayu

Ra eling dino lan wektu

Ing ati katon rabiso ilang

Soyo suwe soyo rakaruwan

Nadyan mung tansah anggadang

Aku sabar yen sliramu rakelingan

Wong ayu tak anti-anti

Jo pijer smoyo ae

Aku trisno karo kowe

Tegane atimu, soyo gawe loro

Iku ra prayoga

Aku ora bakal mundur

Aku ora bakal mlayu

Yen durung nyanding sliramu

Ukurane trisno

dudu bondo

Nanging lungiting asmoro

Kepranan

Kepranan jroning atiku
nalikane pisanan ketemu
Dasar prio kang sembodo(wanito sulistyo)
wicaksono lan lego ing karya Kepranan solah bawamu
nyoto lantip wasising wicoro
Wirogo sarto wiroko
nyoto ndiko prio kang sembodo(kenyo kang sulistyo)
Jroning batin tuwuh roso tresno
kang soyo ngremboko
Rino kelawan wengi
tresnamu tak anti anti
wong bagus(ayu) tak impi impi
Soko sorote nitramu
yen ra selak sak jroning batinmu
Ora luput anggrahitaku
ono tresno sak jroning atiku
by : NN


Mehrahino

[Bowo]
Ayo rowang hangayahi kardi
Nora kendhat pembanguning deso
Binudi murih becike
Supoyo tansah maju
Ngupokoro karang lan kitri
Guyup rukun tumandhang
Asengkut gumregut
Temah dadiyo toto harjo handayani
Murah sandang pangan yekti
Jro kutho deso-deso [Langgam]
Wus mehrahino
Sumirate ing wetan prenahe
Poro tani wiwit mangkat anggarap sawahe
Amanggul pacul garu luku anggeret kebone
Andelidir ngelur sulur ndadak ono pedhot’e
Gliyak gliyak
Anggliyak tansah rame ing gawe
sesambene tetembangan laras lelagone
Laras lelagone
Mungguh pedahe wanci ngundhuh
tikel pametune
Subur makmur
murah sandang pangan wekasane